而家係日本嘅櫻花花期，見到啲咁靚嘅花花，就算係唔係龍友，都一定會忍唔住要拎起部機狂影啦！

淨係影櫻花，呃like指數已經有10粒星，加埋萌到爆嘅動物，咪有成100粒星？！之前個喵星人x櫻花crossover都夠毛毛丁出血喇，點知最近又有隻兔兔學喵星人咁去賞櫻，丁到毛毛停唔到手呀！

賞櫻一年先得一次機會，梗係要執到正咁去睇先夠隆重啦～呢隻兔兔就著咗套日本校服去睇花喇，佢呢個新學年一定會過得好開心啫！

估唔到制服兔兔仲係攝影學會嘅member喎，「嚟，1～2～3～笑～～」。

連畀佢影緊個model都好可愛，同啲櫻花好襯呀！唔開心嘅時候睇到呢輯相真係會成個心都即刻融咗！嗚呀，攝影兔兔可以妹豬拍住拖睇花真係好浪漫呀！

咦，唔係喎，乜model兔兔同攝影兔兔咁似樣嘅？原來又係你呀陳生？一兔分演兩角，真係辛苦晒你喇，其實毒L一個賞櫻最開心呀兔兔……

封面圖片、資料來源：mumitan/instagram

延伸閱讀：【嗚哇！】喵星人x櫻花 可能係全宇宙最靚嘅crossover