做人嘅嘢，最緊要就係問心無愧，凡事盡咗力咪得囉！好似呢位應屆dse考生咁，毛毛知道佢已經好努力咁完成份數學卷，只不過係啲時間多得濟，所以佢先照住部計數機一模一樣咁畫返出嚟咋嘛～

吖頂，你個衰鬼又真係畫得幾似幾靚喎......仲要連顏色都上埋?！不過唯一美中不足嘅係你冇畫埋你張咁卡娃依嘅大口仔貼紙囉。

唔好講笑，呢位考生事後仲upload咗佢幅大作上淘寶，兼成功畀佢search到真嘅計數機?～嗱，咁就證明佢嘅畫風係有幾咁寫實啦～

老老77，以呢位考生嘅水準嚟講，拎5星星都絕對冇問題......如果佢係考VA嘅話。不過咁，唔通人哋係數學天才，秒速做完兼全部答啱又要話你知咩？

圖片及資料來源：名校 Secrets