聽講金菇有「降落傘」之稱，即係太難消化，食完會原條屙返出嚟同你say hello呀！真係聽到都菊花縮一縮呀，如果係屙其他嘢，一定會更加唔舒服啫！

台灣屏東小琉球有當地人潛水嘅時候，發現有隻海龜竟然屙膠袋呀！條片一開頭就見到海龜先生趴喺珊瑚上面，冇嚟精神咁。

潛水人本身以為係有膠袋黐住海龜先生個股屁，想幫手拎開個膠袋啦，點知一拉先知道原來個膠袋係卡住咗喺海龜先生個菊花度呀！

海龜先生因為唔小心食咗膠袋，消化唔到，想屙又屙唔到出嚟，唉，淨係諗下都覺得又痛又難頂呀。

夏天到喇，又係大家出動去沙灘著泳衣show身材呃like嘅時候，不過記得唔好留低垃圾呀，地球得一個，要點做，大家諗下啦！

封面圖片、資料來源：島人。Islander

延伸閱讀：【成肚海洋垃圾】西貢綠海龜慘死