講起生日呢家嘢，先唔好理有冇人會同毛毛慶祝生日啦，但乜嘢切蛋糕呀、吹蠟燭呀......毛毛真係一啲都唔稀罕囉！即係咁，男人老狗切乜嘢蛋糕啫？不過如果毛毛收到嘅係呢個蛋糕嘅話，咁就唔同講法喇～

登櫈，係遊戲王年輪蛋糕呀！！！話說有個日本網民最近就post咗幾張fd子自製嘅遊戲王年輪蛋糕相上twitter，可能呢個蛋糕實在係太過靚嘅關係，唔使兩秒，呢個蛋糕就即刻畀網民瘋傳。

睇真啲張遊戲王卡，連攻守力都用朱古力筆寫埋出嚟～真係整得超仔細囉咩事！老老77，你整到個蛋糕咁靚，叫人點捨得食啫？

遊戲王忠實粉絲表示，哥吃的不是蛋糕，而係浪漫呀嗚嗚......

圖片及資料來源：soni_kopt／twitter

延伸閱讀：【係回憶呀】成幅廣告宣傳板都係遊戲王卡