古乳有暈：「地上執到寶，問天問地攞唔到」，但呢個世界上，居然有人地上執到寶，唔據為己有不單止，仲用盡一切辦法去搵物主！話說上年11月1號嘅時候，有位台灣網民嘅阿媽喺台東一個超市入面執到一部銀色嘅iphone6plus。

咁既然部手機唔係自己嘅，就梗係即刻拎去派出所睇下可唔可以畀得返物主啦！點知，部手機擺咗喺派出所度成半年都冇人認領……嘩，今次仲唔發達？6個月都冇人認領，咁部手機咪即係屬於佢阿媽㗎囉～

雖然部手機循例上已經屬於佢阿媽，但佢竟然從沒有放棄過物歸原主嘅理想，仲開始同朕check下部手機，睇下有冇啲咩蛛絲馬跡，等佢可以畀返部手機物主！

結果佢淨係知部iphone嘅購買地區好似係港澳地區，不過，佢仲未死心，決定開post問下大家知唔知仲有咩方法可以搵到物主。有網民就教佢試下將張sim卡插落自己部手機度睇下電話號碼係咩……最後，佢終於成功聯絡到物主喇，原來物主係一位來自香港嘅吳太呀！！！

至於點解阿吳太一開波就知呢位台灣網民姓劉，呢位台灣人就咁講嘅：「因為我傳訊息給他的時候，他很久都沒讀沒回＠＠ 我怕訊息沒傳到，所以又試試看加line，結果也是很lucky的有找到～ 就用line又傳了訊息給他 line有顯示我的名字」

而更加估唔到嘅係，物主個fd子楊先生竟然係呢個台灣網民個小學同學嘅老竇嚟……嗚哇，呢啲係咪就係緣分呀？

圖片及資料來源：iamkimomo／ppt