以前就話係美少女戰士嘅世界，但家陣時代唔同喇，仲著住條短裙仔打餐死為咩呀，不如舒舒服服唱下歌好過啦，所以呢一代小朋友個個都好鍾意Elsa公主㗎！如果你囝囝囡囡細佬妹或者你本人係Elsa公主fan屎就要留意，要有大人陪同先可以繼續睇落去喇。

近日有市民報案，話自己發現Elsa公主疑似因為氣溫太高而熱到失常，集體上吊以尋求解脫。多具屍體無人處理，曝曬於烈日之下，以致多位公主死唔眼閉，死狀恐怖。

不過，另外亦有消息人士爆料，指貪靚貪到出汁嘅Elsa公主其實係睇到自己落妝之後個真面目慘被蛋糕師如實畫出，怕自己形象插水，傷心過度，所以集體自殺。

真相係點都好啦，毛毛衷心希望Elsa公主可以rest in piece，仲有咁多位Elsa公主fan屎都唔好太不安，let it go啦。

封面圖片、資料來源： 爆廢公社

回帶：【Let eat糕】師傅你肯定呢個真係Elsa？