唔係講笑，而家啲面膜真係愈出愈多造型，好似動物呀、動漫角色呀、卡通人物呀咁，唔講毛毛仲以為呢啲唔係面膜，係面具呀！而今次就輪到嚟緊會喺日本上映嘅電影《貞子VS伽椰子》出面膜嘞。

聽講呢兩款面膜每款賣800yen（即刻大約56蚊港紙），只要喺電影上映期間去有呢套戲上嘅戲院就可以買到。睇下呢款貞子面膜先～

咦，佢真係keep返貞子啲頭髮，淨係留得一個眼位㗎喎！btw，阿model你示範還示範，個眼神都唔使咁凌厲下話？

睇埋伽椰子面膜：

話明係伽椰子面膜，當然唔少得佢對smokey eyes同smokey mouth啦～

um……唔知有冇人用毛毛一樣，覺得呢個人敷緊伽椰子面膜嘅時候，個樣同庄靓龙有幾分相似呢？

圖片及資料來源：enuchi.jp

延伸閱讀：【理想與現實】小熊維尼面膜 一秒變妖怪