喵星人能夠統治得世界，自然有返咁上下能耐，而隱身術就肯肯定係佢哋其中一樣嘅超能力呀！呢個台灣網民有日就發現，咦做咩事屋企個主子唔見咗嘅？搵勻成間屋都冇，惟有向老公求救啦！

點知一send完個訊息之後就發現，原來主子一早已經霸咗個靚位，理得你哋班人類搵餐死，大覺瞓著咗喇！

主子不愧係主子，連咁刁鑽嘅位都畀佢搵到，真係有品味喇！btw，睇嚟呢班喵星人應該係一早come好咗要征服人類嘅垃圾桶，事關有其他奴才都開心些牙咗主子佔領垃圾桶運動嘅相呀！

好似呢隻喵星人咁，明明主人都已經將個膠袋打晒結喇都唔肯走，睇嚟佢真係好愛呢個垃圾桶呀下。

不過講開又講，有冇人諗過班主子咁樣做其實係想示威，要奴才買過張新床畀佢哋呢？嗯，睇嚟呢班奴才要開始小心自己嘅人身安全喇……

圖片來源、資料來源：貓咪也瘋狂俱樂部 CrazyCat club