男人有兩條線係唔可以退，一條係底線，另外一條就係髮線，但係無奈嘅現實就係通常呢樣嘢都係唔到你揀咁樣慢慢咁樣向後退。不過好在髮線退咗都仲有得帶個假髮遮住，好似有啲人冇晒底線就要帶個假面具至得喇。但係呢個故事就話畀我哋知，帶假髮原來都唔係安全㗎～

話說有一日台灣街頭就有個Model喺度影緊相，影相要開行風扇吹到啲頭髮飛起晒是常識吧，有頭髮就冇所謂，不過冇頭髮就唔好行咁近喇。

呢個阿叔拎住個電話路過呢個拍攝場地，工作人員可能係預計到悲劇即將發生，都想伸手截住個阿叔叫佢唔好行住，不過，一切已經太遲喇......

就喺呢0.01秒，悲劇已經發生咗喇，呢陣風一吹呢個叔叔就由冬菇頭叔叔變咗光頭叔叔。

正所謂有頭髮邊個想做幟哥，毛毛心諗呢個叔叔以後見到風扇都會有陰影喇。

來源：廖煥達