2016年06月06日 星期一
【朕要微服出巡】喵星人夜晚偷偷地去咗邊？
喵星人話明係喵星人，又點會係我哋啲低智慧人類咁易理解呀。你以為朝早起身見到佢仲喺同一個位覺覺豬緊，就等於佢成晚好乖咁陪緊你瞓呀？貓奴，你真係太年輕了。最近澳洲就有個機構幫喵星人裝GPS追蹤器，睇下佢哋其實去咗邊。人嚟，擺駕！
呢兩隻喵疑似飲大咗成為醉貓唔認得路返屋企以致喺同一個地方不斷來回。
而呢隻喵就大鑊囉，應該係隻包二奶嘅情場小喵子，同一晚分上下兩場探晒兩位相好。不過家下畀人用GPS爆咗出嚟，唔知下場會係點呢……毛毛有啲為佢擔心。
呢兩隻喵竟然識穿牆過壁去到咁遠？！九成係偷懶搭貓巴士！
至於呢隻走咗上山修練嘅喵……嗯嗯，毛毛都唔清楚仲應唔應該叫佢做喵，極度懷疑個貓奴一直做緊老虎奴自己都唔知……
封面圖片、資料來源：izismile
延伸閱讀：
