毛毛好大頭蝦㗎，成日記錯密碼，所以咪死都唔敢set 入錯十次密碼會洗機囉！不過又驚唔見咗部機會畀衰人偷睇晒毛毛啲咪咪，好彩畀毛毛知道，原來有個function係自動影低撞錯密碼條友㗎。

外國就有個網民set咗如果電腦密碼錯誤輸入三次，電腦就會自動影低撞錯密碼條友，再send去手機度。有一日，佢部機真係畀人狂撞密碼呀！但係兇手竟然唔係佢女友，又唔係佢阿媽，而係佢主子！到底主子想開佢電腦睇咩呢？

貓奴，你以為自己影到喵星人撞錯電腦密碼就好叻咩？奴高一尺，喵高一丈，佢趁你瞓覺偷偷地開你iPad 睇你有冇科勞其他貓都仲得呀。

其實偷偷地開你電腦都算畀面你喇人類，起碼都仲叫喺屋入面呀嘛。唔畀佢玩電腦，因住主子夜晚出去微服出巡，行勻十八區先返嚟呀！

封面圖片、資料來源：pigeonkitty／imgur

貓奴必睇：

【想嚇到貓奴個心離一離咩】貓貓唔瞓覺偷偷哋玩iPad

【朕要微服出巡】喵星人夜晚偷偷地去咗邊？