雖然話去旅行嗰陣狂影相曬命呃like是常識，不過毛毛就唔會做呢啲嘢喇。鬼咩，得一條友，影完又冇人理，影嚟托咩……之但係呢個外國女人，居然憑住佢嘅單人放閃照喺網上爆紅喎！單人都放到閃咁巴閉？教下毛毛好喎！

少年你太年輕了，其實佢一條友去旅行都係迫不得已㗎咋！事關佢老公個簽證臨時有問題，搞到陪唔到老婆去希臘度蜜月！但機票錢又畀咗，酒店又book埋，唔去好蝕㗎嘛！於是呢個女人就一個人踏上這無盡旅途喇！

冇老公喺身邊陪住自己，咪惟有攬住空氣先囉！有空氣感瀏海，唔通唔可以有空氣感老公㗎咩，嗚呀！

不過老老竇竇，其實呢樣嘢毛毛都一直做緊啦！係呀，我日日都帶住我個左手女朋友返工放工食飯上網瞓覺㗎，係爭在冇影放閃相咋嘛。55。

圖片來源、資料來源：Huma Mobin