可能因為香港土地問題嚴重啦，所以搞到好多人都唔夠空間用，侷住要喺巴士度做愛做的事囉。好似食下炒麵呀、搽指甲油呀咁，真係充份咁利用咗巴士呢個公共空間㗎！

一路做呢啲事，一路聽住巴士仔提你緊握扶手，你都咪話唔relax！毛毛原本都以為呢啲已經可以叫做高手㗎喇，點知最近又有網民喺架直通巴上面發現呢個世界級嘅空間利用達人呀！

呢排天氣咁差成日落雨，整到對鞋濕晒，識吹一定係上車用冷氣吹乾對鞋！仲可以順個靚便幫全車人提神，真係一舉兩得呀！喂不如下次除埋衫褲嚟吹吖！

嗯，毛毛認輸喇。留名等睇不久將來有人喺交通工具度沖埋涼呀下。

圖片來源、資料來源：Ho Yan Bonnie Cheng‎／馬路的事討論區