2016年08月15日 星期一
【媽呀】唔記得擺內膽，煲飯就搞到咁樣樣喇！
其實阿媽煮餐飯畀一家人食真係好辛苦㗎，話就話煮飯，你估真係淨係煲飯就得咩！仲要煮幾碟靚餸畀你班大帝㗎嘛。再講呀，單係煲飯已經唔係手板眼見工夫咁簡單！
台灣有個網民個妹妹就幫手煲飯啦，點知煲煲下，個電飯煲竟然好似干諾道西咁傳出異味，仲出晒煙?呀！一打開個電飯煲，竟然變咗咁樣樣囉……
原來妹妹唔記得咗放埋個內膽，直接將米倒咗落電飯煲入面，所以啲米就跌晒落個底度喇……今次好彩係煲飯啫，如果係煲粥真係一發不可收拾呀……
好彩，抹返乾淨個底之後，妹妹都成功煲到煲飯出嚟！唔好笑妹妹啦，聽講而家好多受保護細路都唔知原來橙有橙皮㗎，妹妹知道飯本身係米，已經好叻女㗎喇。
封面圖片、資料來源：ling751am／PTT
