警告：有簷蛇恐懼症同密集恐懼症嘅人請立即返回上一頁！

噚日，有台灣網民post咗一張喺自己屋企嘅相出嚟，佢話佢屋企個窗出面有好多條簷蛇喎……仲要唔係一條，唔係七條，而係足足有成十幾廿條呀！喊出嚟，使唔使咁多呀？而家簷蛇都興晒馬㗎咩？

不過樂觀啲咁睇，多簷蛇……咪即係少害蟲囉！一諗起屋企冇晒小強都幾開心吖，就算間屋畀簷蛇包到冚晒又點喎～係咪呀哈姆太郎？而有網民見到呢張簷蛇晒馬相就話，啲簷蛇合咗體之後會變大，就好似下面呢張相咁樣樣：

雖然呢位網民只係講下笑，但講咗幾多次……講還講，唔好貼相吖嘛！！！

圖片及資料來源：邱煜菱、游家偉／‎●【爆廢公社】●