2016年09月10日 星期六
【係愛呀】奧巴馬普京情深對望 網民瘋狂改圖
根據國際慣例，世上99％情侶都係不是冤家不聚頭，由你寸下我我又睥下你開始擦出火花嘅。
喺早前閉幕嘅杭州G20峰會上，奧巴馬同普京就畀人影到呢張世紀對望照，唔少網民都為可以見証佢哋兩個「大台式愛情」萌芽而感到相當亢奮，仲送上一系列改圖作為賀禮。
一開始不如睇住啲老少咸宜嘅改圖先啦，你話奧巴馬同普京扮Super Mario扮得似啲，定係里約奧運閉幕禮上嘅安倍晉三似啲呀？
可能大家都好期待11月上畫嘅哈利波特番外篇，所以就整返張哈利波特版望梅止渴。
不過講到尾，大家最期待嘅畫面應該係呢啲囉。二人識英雄重英雄，由互睥之中暗生情愫，攻守之間擦出愛火花。
金仔對於能夠繼見証香港最佳選友娥姐同AY嘅戀情之後，又能夠見証奧巴馬同普京呢對佳人生性而倍感安慰。
Between，最後呢張改圖相當有親切感，唔知喺邊度見過呢……
