老老竇竇，點解做細佬妹嘅就一定要畀阿哥家姐恰、畀佢哋當工人咁使啫？其實佢哋都係早你幾年出世咋嘛，點解大個少少就有得話晒事喎……到底班阿哥家姐有幾pk？毛毛唔用說話答你，毛毛用例子嚟答你。

最近台灣發生咗一單家姐恰9阿妹事件。話說事主就話佢家姐問佢借咗500蚊台幣，但正當佢叫家姐還錢嘅時候，佢家姐竟然要佢完成差唔多10個checkpoint先畀返嗰500蚊佢喎！

首先，佢根據家姐畀嘅第一個提示「黑道老大穿什麼？」得知，第一個task就係要佢著全黑（因為家姐話過自己返工套制服全黑好似黑社會大佬）。ok fine，換咪換囉！然後，佢成功得到第二個提示。

係固力果跑跑人空罐呀！（事主心諗，家姐你畫公仔畫好少少得唔得，唔係自己夠醒目仲以為第二個提示係要跳繩……）

搵呀搵，終於搵到第六個提示……嘩，竟然要幫家姐按摩30秒先可以拎到第七個提示？呢位家姐都好惡下啫！

不過為咗拎返嗰500蚊嘅關係，事主都係揀咗忍辱負重嘅。由家姐口中所得嘅提示係：「颱風天微弱的一盞燈」，意思即係咩？即係上次打風打到停電，屋企用嚟救急嗰支廢燈囉！冇錯，下一個提示就喺呢個19 Lego燈入面。

「姊姊最喜歡的英雄人物？」

「為什麼房間會涼？」

「地板需要乾淨！」

問完一題又一題，過完一關又一關，今次真係嚟到最後一個checkpoint喇！今次嘅問題係……到底女人最在意嘅係咩呢？唔通係衫褲鞋襪？於是事主就狗衝咗去衣櫃度搵，不過搵咗好耐都冇。就喺呢個毛文，佢家姐終於忍唔住爆一句：「我的提示明明都很重點化！」

重點化？哦，原來係體重呀！最後，事主終於喺家姐平時用開個磅度拎返自己嗰500蚊。

PS：呢個故事教訓大家，如果有得揀嘅話，都係早過自己阿哥家姐出世好啲……廢事畀自己阿哥家姐贏在射精前呀嘛，55！

資料來源：dcard