立體拉花咖啡已經滿足唔到妹豬嘅追求喇！雖然立體拉花咖啡睇得又飲得，求其影張相放上網都呃到大把like，不過已經太common喇～

呢款柴犬咖啡係就係夠晒打耳喇，輕輕力郁下個杯，佢仲會震震下，個畫面真係好治癒呀，不過都略嫌唔夠動感啫～

最近，妹豬至愛嘅呃like神器－立體拉花咖啡喺日本取得突破性發展呀！大阪有間咖啡店推出玫瑰咖啡，杯入面擺咗玫瑰型嘅奶泡，單係呢個咁細緻嘅造型已經靚到唔捨得飲。

當加入熱咖啡嘅時候，就會撞到玫瑰奶泡慢慢旋轉，望住佢轉下轉下……轉下轉下……感覺真係好浪漫。

唔止識旋轉呀，呢杯玫瑰咖啡仲會漸漸溶化，同熱咖啡融成一體，成件事夢幻到好似飲一啖落去就會成身散發花香味咁呀～

睇嚟日本人都幾鍾意玫瑰花咁啵，仲記唔記得前排好hit嘅玫瑰花洗面泡泡呀？一按落去就會有花花型嘅洗面泡泡升上嚟，妹豬們實好like啫～唔知咖啡店嘅玫瑰奶泡係咪咁樣唧出嚟㗎呢？

世事又點會永遠都好似童話故事咁浪漫呀，之前都試過有用家唧到咁樣樣嘅泡泡出嚟㗎……如果咖啡店用呢個咁親切嘅泡泡沖咖啡畀毛毛，一定會一杯飲過再一杯～好傾未嫌夜啫！

珈琲専科 城戸のパリのロマンス。薔薇の形のクリームにホットコーヒーを注ぐと、くるくると薔薇が回るのです。 pic.twitter.com/blwi3MDM8n

— 千絵ノムラ@少女神11/26-27 (@chievampire) October 13, 2016

東心斎橋の珈琲専科 城戸で名物メニューの詩的な珈琲「パリのロマンス」を。カクテルグラスの中に入ったバラの形の生クリーム。珈琲を注ぐと白いバラが静かに回転して、思わず声を上げてしまいました。 pic.twitter.com/KNXgbuPuxQ

— 小鳥巣 (@Kotori_fresh) July 9, 2016

封面圖片、資料來源連結： kotori_fresh／twitter、chievampire／twitter、george_10g／twitter、yuugrave／twitter

延伸閱讀：【理想與現實】又話撳落去會有玫瑰花嘅？