如果要揀近期最洗腦嘅歌，PPAP肯肯定係第一！唔單止大把明星爭住學，喺短短兩個月入面，呢首歌仲已經喺Youtube累積咗2億次嘅點擊率！主唱嘅ピコ太郎仲威到拎埋健力士世界紀錄?喎！

你以為咁樣就完喇咩？少年你太天真了，PPAP已經進一步侵佔你嘅生活喇！

早排喺日本晴空塔就開咗間期間限定嘅PPAP咖啡店。成間舖都貼滿晒ピコ太郎做生招牌是常識吧！門口仲好細心咁放埋啲pops喺度畀大家影相呃like?～

至於嘢食方面當然唔少得蘋果同菠蘿呢兩位主角啦！啲飲管仲專登整到好似支筆咁，冇漏到佢㗎！

不過你去到識唔識嗌嘢食就係另一回事喇……借問聲呢碗嘢點讀呀？Pen-Pineapple-Apple－唔識串？

老老竇竇，有冇人同毛毛一樣，望住啲蘋果同菠蘿，再加埋個大叔嘅樣，個腦就會開始自動play PPAP首歌？如果去埋呢間咖啡店嘅話……毛毛真係唔敢再想像落去。

圖片來源、資料來源：treevillage_jp／twitter