成日話聖上好cool好高傲，其實佢哋都有放下架子嘅時候㗎，見個奴才表現唔錯，服侍得佢周到，都一樣會畀返少少甜頭個奴才嘅，而家你知點解啲貓奴對主子咁死心榻地啦！

就好似呢個貓奴咁，想用耳機嘅時候，摸落覺得怪怪地咁，點知一睇清楚，先發現原來主子將佢嘅玩具，即係大蜘蛛，同條耳筒線撈埋一嚿呀！啲長長嘅蜘蛛腳好似有保護色咁，同耳筒線神融合，朝早手快快落埋落手袋嘅話真係會崩潰……

主子表示：朕聽講你哋啲人類唔鍾意直接送禮物，係都要搞啲咩驚喜先開心，朕先勉強將隻大蜘蛛收喺耳機度咋！咁大份賞賜，仲唔跪安？！

其實主子對奴才唔止有物質上嘅賞賜，仲有思想上嘅教化㗎，不過今次呢位主角就唔係喵主子而係汪主子。話說有個奴才發現佢家主人將疊銀紙狠狠咁咬碎晒呀！

佢努力咁將啲銀紙碎拼拼埋埋拎去銀行，6000蚊台幣好彩都救到4500蚊！不過奴才，點解你要執迷不悟呀，貪戀世間錢財呀，唔通你仲未明白汪主子嘅心意咩！

佢將萬惡嘅金錢賜死，其實都係想教你唔好太重物質主義呢個大道理咋！你快啲話謹遵教誨！

封面圖片、資料來源連結：彭君瑜／貓咪也瘋狂俱樂部 CrazyCat club、Wei Ying