汪星人最鍾意出街街散步放奴才㗎喇，可以唞啖新鮮空氣，又可以用自己汪星人同自己方式溝通喎～好似日本呢隻柴狗咁，就帶咗佢奴才出去散步喇～

咦？離遠行緊過嚟嘅，咪柴狗個老婆仔Poodle！？「老婆，好耐冇見喇！快啲過嚟畀本汪攬下先！」

汪星人同汪星人見到面互相輕輕力咬下，就好似同對方打招呼咁，但係唔知點解，Poodle一見到柴狗就飛上去咬實佢唔放呀！唔通佢哋之間有咩深仇大恨？耍花槍嚟講，Poodle好似落力咗啲喎！

「死佬！我頭先見到你望其他狗女呀！唔好以為我擰轉面就真係睇唔到你搞搞震呀！」

「老婆呀我冇睇女仔呀！佢咁啱出現喺我面前咋……啊啊啊！好痛呀！」

「解釋即係掩釋！我知你仲有like佢啲相㗎！即係有路啦！咬死你咬死你！」

唉，柴狗哥，大家都男人老狗，明嘅明嘅，拎返啲霸氣出嚟反擊啦！

最後，柴狗就奸笑住咁表示：你以為本汪做咁多表情就真係好痛好慘咩，其實我搶下鏡咋，又可以等個衰婆喺外人面前攞晒彩，返到屋企咪又小狗依人聽晒本汪話！本汪先係最後贏家呀！

これが最高に楽しいらしいのです。 #マル子 #柴犬 #shiba #ロビマル子

A photo posted by Tommy Returntables (@tommyrts) on Nov 1, 2016 at 2:25am PDT

封面圖片、資料來源連結： tommyrts／instagram