雖然藝術嘅嘢毛毛就真係識條鐵㗎喇，不過如果講名畫嘅話，毛毛都噏得出幾個嘅！好似《蒙娜麗莎》、《最後晚餐》、同埋呢幅《吶喊》咁！

毛毛細細個嗰陣就覺得畫入面個人好恐怖，但大個咗之後先發現，其實呢個咪exact7ly係每個打工仔醒起第二日就係星期一嘅表情嚟囉！即刻覺得好有共嗚，好有親切感呀！而最近日本仔仲為呢個吶喊人出咗個手手腳腳都識郁嘅figma?！

襯埋呢個背景，真係有一刻以為個公仔喺幅畫入面走出嚟呀！不過呢個公仔一啲恐怖感都冇，反而仲好鬼活潑?喎！

你講咩話？聽唔到呀，大聲啲啦！

唔通方丈傳授咗多重分身幻影術畀我，又話你知咩！就算要我好似港女咁擺V字整心心扮cute，都冇難度！

連名畫都可以畀日本仔整到個figma出嚟，呢個世界已經冇嘢可以阻止到佢哋嘅創意力量同幻想喇……

圖片來源、資料來源：figsoku.net