2016年11月14日 星期一
【由頭笠到落腳】親眼睇住女朋友偷食原來係咁嘅感覺…
孔子曾經講過：「現代說永遠已經很傻，隨著那一宵去，火花已消逝，不可能付出一生那麼多」估唔到呢種愛情觀唔止後生仔有，連喵星人都一樣有！
話說喵星人小橙同佢女朋友小虎都不知幾恩愛，成日喺facebook post埋晒啲咩「禾巧艾梨～啜卜＞333＜」都唔夠，仲要周街放閃光彈，搞到附近嘅街坊都要戴黑超先敢出街呀！
雖然佢哋一齊咗三日就轉status 做已婚仲要叫對方老公豬老婆豬係就係mk咗啲，不過見小虎咁小喵依人，佢哋兩個都應該係真心愛對方嘅，毛毛睇好你哋呀！請飲記得叫埋我！
點知過咗幾日，小橙打畀小虎問佢喺邊，佢喘晒氣咁話做緊gym唔講住喇就嗱嗱聲收線，小橙都覺得奇怪㗎喇，明明小虎懶過加菲貓，好地地做咩運動呢？點知諗住去小虎屋企畀個surprise佢嘅時候，就見到咁嘅畫面……
原來，我的拳頭只為你而硬，你卻不止為我而……咁大頂綠帽由頭笠到落貓尾，小橙都講唔到落去喇……
可憐嘅小橙生無可戀，唯有賣醉街頭，一幕幕甜蜜嘅畫面係咁閃過腦海，可惜一切都已經過去喇嗚嗚嗚……拍拖嘅嘢，冇又驚自己一直都冇，有又驚自己會突然冇，作為單身狗嘅毛毛明白嘅，好快會帽事嘅帽事嘅。
封面圖片、資料來源連結：虎撲體育
延伸閱讀：
