你工作累了的話～飲飽吃醉是容易極的快樂～通常嚟講，唔係做飲食業嘅公司都係唔包員工Lung廚／癲嗱嘅，不過台灣就有位唔係做飲食業嘅老闆娘，包埋員工膳食不但止，而且仲要係親自為佢哋下廚嗰隻?喎！嘩，係愛呀哈利！

大家睇下～雖然呢個只係員工餐，但老闆娘一啲都唔求其，餐餐菜式都唔同，而且仲好豐富，有晒菜呀肉呀蛋呀蝦呀咁，真係好有住家飯嘅味道！

聽講老闆娘之所以咁畀心機為員工下廚，其實係因為佢覺得班員工係「離家的孩子」，平時好少機會食到屋企嘅味道，所以只要佢一得閒，佢就會煮飯畀員工食㗎喇～

而post呢輯相嘅員工就表示，手機入面淨係得咁多相咋，不過佢相信呢啲愛心便當相會繼續加落去嘅。佢仲話喎，佢真係好愛佢老闆娘㗎，如果唔係舖頭離屋企太遠都好想畢咗業繼續喺度返工?！

老老77，腦細同員工們之間可以建立咁有愛嘅關係，係幸福嘅！好在毛記電視城都唔輸蝕，pantry有大量杯麵同零食提供，毛毛先可以做隻飽鬼咁上路……呀唔係，係填飽個肚先做嘢啫！

資料來源：dcard