強國嘅街道經常都會出現一啲用嚟提醒市民嘅標語，例如「树文明新风，创文明社区，建文明城区。」呀咁。喺短短15個字入面已經出現咗3次「文明」，大家就知道呢個地方有幾文明啦！而作為一個文明嘅國家，保持環境清潔是常識吧。為咗更有效率咁同城市洗白白，湖北省就出現咗一架「掃帚風火輪」！一齊睇下～

呢個「掃帚風火輪」，其實就即係將16把竹掃帚插晒喺一個轉得嘅圓形鐵盤上面，然後再將個鐵盤安裝喺架車嘅pat pat度。咁個鐵盤轉嗰陣，啲掃帚咪會跟住郁，咁咪掃到地囉（好似係）～

而聽講呢架「掃帚風火輪」每日仲可以掃到成20公里嘅路面，即係等於20個清潔工人同時開咗一工咁呀，真係巧勁功威威！

btw，呢個「掃帚風火輪」嘅造型就夠晒架勢嘞，不過實際運作起上嚟係咪真係work呢？希望個「掃帚風火輪」轉完一大輪之後，啲垃圾唔會掃埋一二邊就算啦，55。

資料來源：人民網