唔知點解日本菜真係特別好食㗎，如果係由東洋妹豬煮嘅仲要餵埋你食，咁就Perfect池啦。不過，咁大個人都係唔好FF 咁多啦，你以為東洋妹豬一定煮嘢色香味俱全？少年人，你睇得太多二次元妹子啦⋯⋯睇完呢煲嘢睇吓你仲係咪咁講？

嘩，呢煲咩L嘢嚟㗎？白菜煲？中咗毒咁嘅款喎？！連妹豬老公都忍唔住話呢煲嘢係地獄料理呀！

原來呢位人妻知慳識儉得濟，見到啲白菜成2百幾円咁貴，望一望隔籬棵「紫白菜」賣78円咋！心諗「白菜」同「紫白菜」咪都係「白菜」，不用分得那麼細啦～於是就買咗「紫白菜」嚟煮晚餐，結果咪搞到好似上完化學堂咁囉。

其實望落又唔係咁地獄啫，你出街食嗰啲紫薯乜乜乜咪又係咁嘅色～你試吓唔好當佢係白菜煲，當佢係紫薯糖水咁食，咁個觀感就Fit晒喇！

計毛毛話，老婆都係見平日生活咁Dry，咪整色整水咁囉，佢唔整呢盒咖喱叫你自己調色算好喇。況且紫色嘅白菜煲食落都係白菜味呀～再咁多嘢講下次老婆叫你㨂食屎味咖喱定咖喱味嘅屎你就知味道～

封面圖片及資料來源：@na74/twitter
圖片來源： @na74/twitter、2ch

同場加映：【睇到都飽】日本動漫咖喱成兜水彩咁樣樣
同場再加映：【地獄廚房】估唔估到佢想煮咩？