係男人都知要拒絕陪女友Shopping，真係唔係一件易事嚟。除咗要有膽量之外，一個足以冧得掂女友嘅藉口當然都係唔少得啦。而港男通常會講咩藉口呢？大致以下四大類型。

咁男人以事業為重又係正常嘅，如果作為女友嘅你嬲嘅話呢，佢又會話返你「做事唔識分輕重」。但唔發佢火嘅話，佢就會大枝嘢咁次次搵返工做藉口。真係嬲又死，唔嬲就自己激死。

第一次聽到呢類藉口係會幾感動嘅～每句說話都加晒「我哋」，好似好為大家嘅未來著想咁。但講咗幾廿萬次之後，都冇同你去過旅行嘅，就知咩事啦。

詐病呢啲屎橋，男友仲敢講出嚟，人唔笑狗都吠啦。最嬲唔係佢唔肯陪你去，而係佢唔肯用個死人腦諗個合理少少嘅藉口呀。呢種男友正一係春天嘅兩條小蟲，「蠢呀」。

唔陪都算喇，咁樣講得就連自己一個去Shopping嘅興致都冇埋……而用得呢類藉口嘅男友們，通常都唔知下星期係咪真係有大減價，佢哋只係希望將行動無限延期，直到女友唔記得為止。

但如果今次男友們再用呢招嘅話，佢哋就大獲喇！因為SOGO Thankful Week(11/11-27/11/2016)經已開始左喇。今次仲有個SOGO Rewards會員計劃，每買1蚊就可以賺1積分。記住帶埋你男友去喇，最緊要叫埋男友裝滿個銀包先！

男友們想知要帶定幾多錢，可以睇下：https://goo.gl/YNc6Mi