貓星人無處不在，隨時隨地監視住你，你想做咩都逃唔過佢哋雙貓眼。而最近，台灣有位網友行過見到夾公仔機就諗住玩吓啦，不過佢勢估唔到呢部夾公仔機已經畀主子佔領咗，你睇聖上凌厲嘅眼神，就知呢度係佢揸fit啦～奴才仲唔下跪！

聖上：「愚蠢嘅人類，你以為夾公仔有對神之手就得喇咩？唔交低罐罐，唔好話夾公仔呀，走你都唔使旨意呀喵～」

天寒地凍，識瞓梗係搵返張暖笠笠嘅龍床瞓啦～聖上英明呀！不過入面恐防有啲侷，主子要保重貓體呀。網友都驚主子有事，但係間鋪又無人理，咁點救駕呀？

所以話，奴才果然係奴才，大驚小怪，聖上使L你擔心咩？沖完個靚涼就喺出口度出返嚟搵愛妃蒲喇！區區一部夾公仔機又會點困得住佢呀～ Btw，最近天氣都開始凍，地方嘅主子都好需要溫暖㗎，所以毛毛都溫提大家，開車前記得睇吓有無貓星人匿喺車底呀！

封面圖片及資料來源：陳信宏/爆料公社

延伸閱讀：【侷親點算呀】貓貓太凍匿咗入夾夾機