2016年11月29日 星期二
【睇見都飽】一次過啪100隻烚蛋落口係咩玩法？
講到女大胃王，可能大家第一時間就會諗起日本嘅木下佑香。不過，其實呢位叫「大胃王朵一」嘅女網民都唔弱㗎，最近佢先挑戰完一次過啪100隻烚蛋落口咋嘛！想知佢成唔成功？一齊睇下啦～
一開始，呢位女女食下一隻、食下又一隻咁，話咁快就啪咗唔少蛋蛋落口。不過淨係食烚蛋又係有啲dry嘅，所以呢位女女咪將啲蛋撈埋唔同嘅調味料嚟食囉～好似有糖呀、朱古力醬呀、茄汁呀咁。
而食到第94隻蛋嘅時候，呢位女女終於都頂唔住要投降嚕。雖然佢今次嘅挑戰就失敗咗，但一次過就啪到94隻蛋落口……都算係咁啦！毛毛隔住個mon都覺得飽呀！所以佢都話今次「也算是累積了自己的經歷」咁喎。
btw，一次過就食咗94隻蛋，驚唔驚膽固醇含量超標㗎？
資料來源：美拍
回帶再回帶：女朋友好大食......點算好？
