2016年11月29日 星期二
【強國蠟像館】你唔係同我講呢個係舒淇嚟呀？
眾所9知，強國蠟像館一向都領先全世界，打破「蠟像一定要同真人似到十足十」嘅定律，將抽象派嘅特色融入蠟像藝術，每次都帶畀觀眾意想不到嘅驚喜。而最近，位於遼寧瀋陽嘅「明星蠟像館」都因為館內嘅「抽象舒淇」一炮而紅喎！一齊睇下～
果然係「抽象舒淇」，塊面同對腳嘅膚色唔一樣不但止，連最代表到舒淇嘅性感厚唇都冇，真係估你唔到呀下！
老老77，你用香港杜莎夫人蠟像館嘅標準嚟講嘅話，呢個舒淇可以話係完全唔達標，甚至將佢放喺馮生面前都未必認到……之但係，只要大家將眼光放遠少少，加返抽象派三個字落去，咁佢就係一件藝術品嘞！
除咗有「抽象舒淇」之外，仲有奧巴馬、普京、成龍、馬雲等等嘅名人蠟像。
雖然唔少網民都批評啲蠟像好樣衰，又話似吹氣公仔乜乜乜，但學馬雲話dry，假貨比真貨好，相信佢一定好滿意呢個馬雲蠟像㗎啫！係咪呀哈姆太郎？
資料來源：網易娛樂
延伸閱讀：
