辦大事最忌就係冇廁紙，再唔係上手淨係留返一張畀你，都唔知笑定喊好呀。日本唐吉訶德出晒名貼心，唔止咩都有得賣，有啲分店仲開足廿四小時，你想濕平濕到幾時都得，最估唔到嘅係佢連個廁所都sweet過人呀～

你睇下呢幅滿滿嘅廁紙牆幾有愛？就算係一百隻大笨象係你個肚度奔騰都肯肯定夠你用呀！仲要由左至右，由上至下整齊排列，當你急sss嘅時候行入去，簡直好似中頭獎咁呀！不過就咁整齊排列就好似單調咗啲囉。

成個風車旋轉型電動攪珠機咁樣樣又好似亂咗啲，排到小朋友落樓梯咁，仲要個個都銀色反光反成咁，你叫人點睇嘢啫，就嚟連第三隻眼都撐唔開喇！

呢兩間就唔同呢，有咁多種款式嘅廁紙架任君選擇，做人最緊要有得揀呀嘛～你鍾意復古又得；鍾意土豪金又得；鍾意簡約風嘅都得，得咗。有啲仲係兩面牆都有，無論你用開左手定右手都一樣隨手可得，想左右開弓都冇問題！

再唔係鍾意挑戰高難度嘅朋友，不妨去埋呢間試下如何唔整污糟廁所之餘又可以拎勻咁多個架嘅廁紙，話唔定仲會逼出自己啲⋯⋯潛能㗎！下次去日本嘅時候去開呢度濕平，記得去埋呢個廁紙之牆度打個卡喇，話唔定到時連啲廁紙都有實派時呢。咩實派時？你去完發覺咁多個廁紙架都冇晒廁紙咪夠晒驚喜囉！

圖片及資料來源：sora_81_／twitter、aponyan2255／twitter、anso2525／twitter、baakin01／twitter、css_pink／twitter