細細個嘅時候都已經知道卡通片入面好多嘢都係假嘅：呢個世界冇超人救地球、唔會有人好似叮噹幫大雄咁無條件幫自己、Thomas火車都唔係電視見到嘅咁得意……不過有一樣嘢毛毛一直都相信㗎，就係好似Toy Story講嘅咁，公仔都有感情！所以就算啲公仔已經玩咗廿幾年，毛毛都唔捨得扔咗佢哋㗎，但見到佢哋好似自己咁愈嚟愈殘，又真係好心痛！

人唔舒服要入醫院，公仔都一樣要啫！不過佢哋就唔係去醫病，而係去執返個靚靚樣～呢隻松鼠公仔經過歲月無情嘅洗禮，已經甩皮甩一到一撻撻，冇忽好肉喇，唔講仲以為佢去曬太陽嘅時候搽唔勻防曬呀！

多得醫生幫佢做咗個「皮膚移植手術」，佢而家已經好返晒，仲好似新嘅一樣?呀！主人見到公仔重獲新生，一定覺得好滾動！

對唔少人嚟講，公仔唔止係玩具，更加代表住一份珍貴嘅童年回憶，甚至紀錄咗往日同親人朋友相處嘅點滴，可以見到舊公仔好返、延長壽命，陪多自己幾個20年，真係好幸福！公仔醫院，多謝你呀！

ぬいぐるみ病院です。以前ご入院してくださったしまりすくん！
皮膚移植手術を受けてくださいました。とってもかわいくて素敵な方でした！
ぬいぐるみ病院では、最新のぬいぐるみ医療を取り入れて、
無償の愛で頑張っているかわいい子たちを応援しています！ pic.twitter.com/qt3oRDjCLD

— フモフモランド ぬいぐるみ病院 （公式） (@cocoro_bz) December 9, 2016

封面圖片、資料來源連結：cocoro_bz／twitter

延伸閱讀：【超高級一條龍服務】巧幸福嘅日本公仔醫院

同場加映：《星期三港案》 13/7 堅・Toy Story