2016年12月13日 星期二
【天才店員】啲銀紙濕咗我咪叮返乾佢囉！
對於唔識煮嘢食嘅人嚟講，微波爐簡直係天下間最偉大嘅發明！但對一眾地獄廚神嚟講，微波爐只會變成世界上最危險嘅武器……話說，最近有台灣網民就喺超市入面聞到好大陣?味，而轉個頭就已經見到個微波爐打開咗嘞，而且入面有灘水同幾張一千蚊台幣?！食開花生嘅佢梗係要八下做咩事啦，一問之下，原來個天才店員拎咗啲濕銀紙去叮？
唉，所以咪搞到啲銀紙咁樣樣囉！叮到啲銀紙著火晒都未算終極，佢仲要倒啲水入個微波爐度救火呢下先至醒呀嘛，呢啲咪goodest logic囉！最後啲銀紙除咗燒爛咗少少之外，仲要濕過未叮之前?……
有時真係忍唔住笑.jpg，當佢煩緊點樣死返啲錢出嚟嗰陣，同時又有另一位客人嚟畀錢，明明人哋只係買35蚊嘢㗎咋嘛，不過由於佢個腦仲喺咁loop緊嗰三千蚊嘅關係，搞到佢唔小心同人講「收你三千五」喎……睇嚟呢位店員嘅心靈真係受咗好大創傷呀下！
btw，人誰無7過吖，人哋擺隻襪入去叮到燶咗都係咁啦，咪當買個教訓囉！雖然三千蚊嘅教訓又好似貴咗啲，不過話唔定去銀行有得換呢，最多咪畀銀行阿姐恥笑多次～55。
封面圖片及資料來源：dcard
