最近唔少台灣朋友仔都喺度搶購緊一款抹茶湯圓，早前有網民搶唔到就索性自己買材料DIY?～可想而知抹茶湯圓嘅威力有幾犀利啦！

而facebook page「全聯福利中心」都post咗條教學片，教人點樣將今期hit到爆嘅抹茶湯圓煮得更好味……嗱嗱嗱，個秘訣就喺啲紅豆、紫米同鮮奶度嘞！加埋呢個靚湯底，咁抹茶湯圓嘅味道咪更上一層樓囉！

雖然呢條片已經好詳細，唔少網民跟住條片啲步驟做都大成功，但竟然有網民連跟住做都整咗煲異形出嚟？

佢話：「為什麼我煮出紫色異形？」嗯，望住個煲入面呢pat異物起晒紫色泡泡咁……其實樂觀啲睇，隻色同個煲都幾襯吖係咪？

有網民就話嘞，呢位地獄廚神之所以整到異形咁樣樣，係因為佢開咗太大火呀！btw，講到火候控制，呢位日本妹先係佼佼者……

佢話呢pat係焦糖醬喎，只不過係火候控制得唔係咁好啫～大家睇唔睇得出呀？

資料來源：全聯福利中心、小野妹子學吐槽

延伸閱讀：【地獄廚房】估唔估到佢想煮咩？