以前公園好熱鬧，好多小朋友死扭爛扭都要扭到屋企人畀佢哋落公園玩。隨住時代改變，而家啲小朋友扭嘅唔再係落公園玩，而係買ipad玩。就係咁，公園慢慢變得冷清，氹氹轉、韆鞦、滑梯呢啲遊樂設施都慢慢生鏽⋯⋯

最近，有位日本網民經過公園嘅時候就見到裡面隻搖搖兔因為日久失修，所以隻眼甩色甩到好似流緊血淚咁，一行啡血色嘅顏料就咁喺隻眼度流咗落嚟喇！老老竇竇，假如有小朋友咁啱經過見到呢隻流住血淚嘅搖搖兔，咁就真係有排求心理陰影面積咯⋯⋯

唉，其實被遺忘嘅遊樂設施又點止呢隻流住血淚嘅搖搖兔吖，另外呢幾隻散發住恐怖氣息嘅大熊貓咪又係咁⋯⋯

不過樂觀啲睇，隻搖搖兔之所以變到咁得人驚，其實都係因為太耐冇人玩，加上保養得唔好啫。保養得唔好而走樣，起碼都好過一整出嚟就走樣嗰啲吖！55！

散歩してて公園の前通ったらひっっ！！てなった。 pic.twitter.com/rZT5W6oxVZ

— レトルト (@retokani) 2017年3月5日

資料來源：retokani／twitter、秋田六千／微博、Jimmy Tang、江離濁酒／微博​

童年陰影系列：

【嚇死人咩】白雪公主咁樣樣

【嚇死人咩2.0】強國柯南咁樣樣

【強國造的】冇見一排，乜Elsa個樣咁似蛇精男嘅喂？