一打開Facebook或者挨豬，真真正正直出無添加嘅相有幾多張，一隻手都數得晒啦。唔止加味精呀，仲連美顏呀（又名虛擬整容）、瘦身呀（又名空間扭曲）都大把，你以為成班上IT堂冇聽過書嘅妹豬突然間Photoshop技巧進步咗咁多呀？傻啦，其實都係用App執㗎咋。Photoshop雖然可以執得靚好多，不過用電話勝在夠方便吖嘛，最近仲有網民發現用iPhone都可以將幅畫退地?！
返工悶悶地，咪隨手拎張單行紙畫下公仔囉～不過張紙一行行線咁，post上網唔多好睇啵～冇有怕，一於用iPhone幫手啦，首先就影張相先。
跟住就喺「光暗」推到最光，再將「對比」拉到最大，隻公仔同個底嘅分別就會明顯好多㗎喇。最後將「顏色」都set埋做黑白，就完成喇！勾完出嚟，係咪好似平時喺網上見到嘅sticker呢！
係真唔係呀，咁神奇？好，等毛毛一於畫幅行政蠢材TVMost Buddy嘅公仔試下先！
媽，為何結果不是我想的那樣呀嗚嗚，說好的退地呢……唔通真係人嘅問題？毛毛唔甘心唔服輸唔忿氣呀！再試一次！
今次終於成功喇！雖然呢個方法可以退走背景嘅橫線，不過如果橫線嘅色太深，都係退唔到㗎，呢次用淺色少少嘅單行紙畫就得咗喇～
嫌淨係將個公仔退地太小兒科呀？睇下雞排妹囉！I mean 睇下佢嘅執相教學呀！佢之前出過一個超強勁嘅post，教大家用美圖瘦瘦執相㗎，不過就唔係執樣執身材咁簡單，而係大執背景！
佢話用「去斑去痘」功能，將啲雪糕筒同路人當係暗瘡咁慢慢逐粒清走就得㗎喇，係咪開心大發現先！提提你，唔好睇睇下睇咗其他相呀，仲要留返啲電執相㗎！
iPhoneで写真撮る時
— 雪永ちっち(´Ꙩωꙩ`)副垢 (@dadadadjmjmjma2) March 7, 2017
「露出」を最大にして
「明るさ」を最小にしたら
ノートの罫線を消せる。
「コントラスト」「ブラック」を最大にするとなお良し。
アナログがデジっぽくなるぞッ pic.twitter.com/OL0j5a11o0
封面圖片、資料來源連結：dadadadjmjmjma2／twitter、雞排妹ili鄭家純
