好多人都好鍾意汪星人同喵星人，不過搭緊車、返緊工，邊有得同佢哋玩啫，好彩而家用電話上網夠晒方便，打開挨豬咪有得慢慢睇囉！唔係講緊專post動身得意相嗰啲account呀，係妹豬們嘅account呀。唔係咩？而家好多妹豬都鍾意整到自己張相好似貓仔狗仔咁，唔講仲以為自己睇緊discovery channel呀。
點解呢個function咁受妹豬歡迎？型囉威囉疊馬囉。講笑咋，其實係因為佢除咗識自動幫你放大眼睛同埋美肌之外，仲會幫你加個動物鼻，老老竇竇，遮咗半塊面，得返對假大眼，想唔靚都好難嘅……想見識下美肌App「SNOW」嘅實力？一於搵野獸先輩（日本AV演員田所浩二）嘅相嚟測試下啦！
Level 1！轉咗髮型、輕輕執下五官已經成個女仔樣喇！雖然稱唔上係Kawaii日本娃娃，不過效果都唔錯嘅，呃得下人！
Level 2！一於用個特別啲嘅效果啦，逗雞眼加埋頭暈暈咁樣，真係令人睇見都想打救佢呀！小姐，你冇事吖嘛，使咪同你做人工呼吸呀！
Level 3 終極打大佬！成個話男人老狗點點點，咁諗你就錯喇，只要有美肌App在手，男人都可以變小狗！你睇下佢而家幾Kawaii，唔講仲邊有人知眼前呢個少女原來就係鼎鼎大名嘅野獸先輩呀！如果野獸先輩用呢個樣嚟演出作品，真係唔知睇邊個好喇……
原來之前仲有網民用野獸先輩張相試其他效果……睇咗咁多年佢嘅作品都唔覺得佢靚仔，睇完呢兩張相就發現佢本身都唔差喇，嗯嗯。
野獣先輩がめっちゃ可愛いなったやんけ、SNOWとか信用すんな
— R✩O✩N サイコ絵描き (@2ku2213) March 11, 2017
お前ら！！ pic.twitter.com/Rq8LEchmbB
封面圖片、資料來源連結：2ku2213／twitter、geeksokuhou、twipple.jp
《美肌app系列》
【Thomas怨念長存】算罷啦，乜你覺得用美肌App真係有幫助咩？
