2017年03月17日 星期五
【傻傻分不清】點解我會將百力枝當係畫筆咁擺㗎！
日做夜做，每日都返足36個鐘頭嘢，就算收咗工，又要轆下電話追下post，難怪會頭暈暈眼花花，睇錯嘢嘅。50紙當咗廿蚊紙咁畀，拎錯鉛筆當筷子咁食杯麵都好正常嘅。
咦喂！一早都叫你執好間屋㗎啦，成個垃圾崗咁，狗竇都整齊過你呀！你睇下，點解好地地會有條百力枝喺堆畫筆入面㗎？
係囉，點解嘅？點解我會咁唔小心，連百力枝同畫筆都傻傻分不清㗎！雖然大家都係條狀啫，都唔使錯得咁過份㗎！死喇，都唔知條百力枝擺咗幾耐?㗎，拎起會唔會一啪就斷㗎？定還是已經霉到連啪一聲都發唔出呢……
呢位咁大頭蝦嘅朋友，其實係一個漫畫家嚟㗎，佢時不時都喺twitter分享自己嘅作品嘅～啲筆觸咁仔細，畫到眼花花都唔出奇嘅～（努力幫佢兜緊）
做得漫畫家，創作力量同幻想一定會嚇人一跳啦，話唔定佢都係有日突發奇想，覺得百力枝有潛力發展做唔同藝術品，所以先將條百力枝同堆畫筆擺埋一齊啫，肯肯定係咁啦！（繼續努力幫佢兜緊）
封面圖片、資料來源連結：ggggggggggero／twitter
《召集世上所有大頭蝦》
