係女都鍾意收花？少年，如果你咁諗嘅話，你就真係太年輕喇⋯⋯說穿了，其實女女鍾意嘅根本唔係花，而係心思呀！好似以下呢位台灣網民咁，多數人都係送花同公仔畀畢業同學仔㗎嘛，但佢就選擇送一紮牛肉花束畀佢個妹喎！你哋話嘞，呢位家姐係咪好有心思先？

望住呢紮牛肉花束真係令人覺得好幸福呀！毛毛可唔可以實一甩呀？

睇多5種睇得又食得嘅靚靚花束：

1）惹味之選：炸雞花束

脆卜卜嘅雞皮包住嫩滑嘅雞肉，女女見到呢紮花束實出晒口水啦～

2）誠意之選：墨魚丸雞蛋花束

雖然呢紮墨魚丸雞蛋花束就唔係咁易整，都幾花功夫，但咁樣先突顯到你有幾重視對方吖嘛！嗱，喺墨魚丸上面?幾?再拎去炸，炸完之後咪會變到好似朵花咁囉。而雞蛋花呢，將薄薄嘅蛋皮切開再捲幾捲，佢都一樣會變到好似朵花咁㗎。

3）大包圍之選：雜不甩炸物花束

老老77，請人食嘢最尷尬就係買咗對方唔鍾意食嘅嘢⋯⋯嗱，呢個雜不甩炸物花束有丸有腸、乜q都齊晒，點都有一樣嘢啱食喇啩？

4）健康之選：有機蔬菜花束

眾所9知，10個女女有11個都話自己減緊肥嘅。想送花？不如送下西蘭花吖？

5）甜蜜蜜之選：士多啤梨花束

little garden（@little_garden_）分享的貼文 於 2016 年 8月 月 13 9:53上午 PDT 張貼

又甜又多汁嘅士多啤梨，食完即刻甜到入心入肺。紅卜卜嘅士多啤梨加上滿天星做點綴，望落視覺效果一啲都唔輸蝕畀紅玫瑰～用嚟呃like就最啱嘞！

資料來源：Charlene Wang／爆廢公社二館、Wan Hang Leong／澳門網購、dcard、little_garden_／instagram

延伸閱讀：

【簡易教學】其實墨魚丸雞蛋花束都唔係咁難整啫！

【真．知我心】會用炸雞串整扎花畀你嘅朋友邊度搵？

【實用・美觀】畢業禮拎住呢札花影相先型㗎嘛！

【實用・美觀】情人節識送定一送炸雞花