早排出咗套卡通片話有啲BB一出世就係做管理層嘅材料，唔止識講嘢，又會喺家庭度做臥底搜集資料，仲會同阿哥合作完成任務?！你以為呢個只係卡通片橋段？少年，你太年輕了！

有片有真相㗎！最近有段短片喺網路瘋傳，就係有個得幾歲嘅阿哥居然諗計帶細佬逃出BB床，精彩程度好似睇緊BB版嘅Prison Break咁呀！

首先阿哥經過精密嘅計算之後，就拎咗一張櫈仔放入去細佬張BB床度。細佬仲細，梗係要示範一次畀佢睇先啦，所以阿哥自己就爬埋入去張BB床再用張櫈爬返出嚟喇。

「喂阿哥，咁高點爬出去呀？」

「細佬，你唔好理咁多，向住我爬過嚟你就自由㗎喇！快啲啦！」

阿哥喺出面都不忙鼓勵細佬，真係手足情深呀！雖然細佬仲有啲猶豫，但係佢嗰顆渴望自由嘅火又點會咁易熄㗎！

細佬最後終於踏出咗第一步，撲向阿哥嘅懷抱入面喇！阿哥抱細佬落地，跟住兩個人就手拖手奔向自由，邁向美好明天啦！嘩，如果加返個夕陽嘅背景就Perfect池啦喇！

呢對兄弟人仔細細就咁犀利，一於搵佢哋拍返套《逃亡大計》前傳，扮返史泰隆同阿諾舒華辛力加後生，肯肯定紅呀！ 

封面圖片及資料來源：Mashable