最近有新聞話香港大學排名下跌，不嬲都好關心香港廢青嘅培青社梗係要些牙呢單新聞啦～

痛心大學排名燉冬菇嘅培青社細心又專業咁分析當中原因，話係因為土地問題、689，同香港冇普選！咦，乜689呢個名係天有晴你叫㗎咩？

毛毛冒住被洗腦同化嘅危險，睇返培青社以前啲post，明明通常都叫開689做「梁振英」或者好有禮貌咁尊稱「梁特首」㗎嘛，仲會不時些牙689啲威水新聞?，做咩學埋黃屍廢青啲衰嘢呀？嗱，你唔好又搵阿Eric Chan出嚟呀，畀佢唞唞好喎。

人哋話女人針海底心啫，原來培青都一樣咁難捉摸㗎媽呀！

封面圖片來源：香港培青社、蘋果日報

資料來源：香港培青社