最近，有人拍左部講香港棒球嘅電影。下？乜香港都有棒球嘅咩？但唔單只香港，就連今屆奧運都取消左棒球，連同全世界運動項目競爭嘅機會都無。講番香港，原來棒球真係喺香港存在過，而且仲曾經擊敗過中國隊，甚至令日本隊另眼相看。講落去，喺香港生存艱難嘅棒球，入面個份鬥志，就有種就算幾辛苦同屢敗屢戰，都咬住唔放嘅對抗精神！一齊聽下，因為陪住兩個囝囝揮棒、自己都加入埋一份做領隊、為香港棒球奮戰20幾年嘅鄭生，講下棒球嘅香港魂！

一單二手書店要執笠嘅報導，引嚟全城熱話。大家聽到有成萬本書嘅二手書店，竟然要蝕足百幾萬離場，都覺得好可惜。我地就去左喺灣仔碼頭、仲有一個月就結業嘅「書式生活」度，搵到老闆Dennis，同我地傾下，點解為左救書，搞到被欺凌同蝕錢，但最後，都係無奈選擇要同最愛嘅書道別⋯⋯

呢個17歲嘅靚妹Charmaine，嘴gel gel咁，轉數同把口一樣咁快，究竟搞乜呢？今年讀緊中五嘅佢，啱啱就參加左本地漫畫廠牌喺動漫節嘅漫畫比賽，成功入咗4強，佢嘅出現竟然震驚所有人，佢師父話佢諗嘅野同人好唔同，分分鐘連外國人都覺得amazing！睇住呀，嚟自17歲少女嘅才華，要喺香港嘅漫畫界爆喇！

所謂贏在起跑線、贏在射精前, 但你有冇諗過, 其實有其他選擇? 就好似呢一班透過蒙特梭利教育理念、私下認識、有共同理念嘅家長, 佢地竟然任由小朋友玩到周身邋遢!? 擺野入口!? 仲任佢跌親都唔扶佢!? 呢班「黐線」嘅家長話, 其實佢地好簡單, 唔係要爭輸贏, 只希望小朋友都可以活喺自己天空, 伸手就攞到一樣正常人可能好難好難先攞到嘅嘢－－快樂。

喺電影《Toy Story》，公仔唔單只有生命，佢地存在既意義，仲係為左同主人玩，同氹佢地開心！不過，有D玩具既主人，就會遺棄果D舊左既公仔，令佢地垂頭喪氣，甚至諗辦法報仇。好在，香港，就有Raymond同Ryan兩兄弟，專門幫果D心愛毛公仔既主人，令佢地「年老體弱」但每晚陪佢地入睡既old buddy得以重生。一齊嚟見識下，乜野係「堅・Toy Story」⋯⋯

有個facebook專頁叫做「小小鳥的尋翼之路」，自稱「小小鳥」嘅網主係一個1歲就確診大腦痲痺症嘅18歲女仔，由細到大連行步路都要扭住一雙腳嘅佢，話全靠呢個facebook專頁，令行呢條又孤獨又寂寞人生路嘅佢，搵到好多嚟自網絡嘅正能量同曙光，令自覺失去一對翅膀、唔識飛嘅佢，終於可以展翅飛翔。「小小鳥」話, 佢要多謝大家嘅like同comment呀！

對於基層嘅小朋友嚟講，學樂器可能係遙不可及嘅夢。深水埗就有社企「加油・音樂」，唔單止安排導師免費教基層嘅小朋友學樂器，中心仲免費提供樂器俾小朋友玩！不過，細路哥接觸咗樂器之後，都好想真係擁有一件屬於自己嘅樂器，可以為自己嘅童年"配樂"。而家喺7月前，又有一年一度嘅網上籌款活動，幫基層小朋友籌錢買二手樂器，希望小朋友可以有機會抽籤抽到自己人生嘅第一件樂器。

9年前，50幾歲嘅梁太，突然確診俗稱老人癡呆嘅老人認知障礙症，自此梁生就拋低工作，甚至自己嘅人生，全力去照顧每日情況都有可能變差嘅太太。而梁生並冇因此而放棄，仲每日都花好多心機同時間，去訓練太太，等佢重新學習！即使太太有時已經唔記得自己，但梁生話，佢好有信心，知道老婆就算咩都唔記得，都唔會將佢呢個老伴忘記⋯⋯

上星期日，一向敢於為本土發聲嘅「客貨van平台」CALL4VAN嘅facebook專頁，出咗一張「六月六號 革命啟動」嘅post，預告話要搞革命。6號嗰日，我哋就去咗搵創辦人Conrad，直擊佢將革命啟動！原來，幾年嚟一直艱苦經營嘅佢，想要對抗現時以價格低見稱、有大財團注資嘅對手，於是，就由提升司機服務質素嘅方向出發起革命，去嘗試改變行業生態，希望喺呢個商業社會，「堅持做自己」，都可以搵到一口飯！

噚日，網絡瘋傳20歲中大人類學二年級生馬倬朗，急需換心續命嘅新聞，兩個月前病情惡化，而家末期心臟衰竭、瘦到皮包骨嘅佢，要靠人工心活命，隨時有生命危險！除非A+型血嘅佢，等到有心人捐心重生。我哋就去咗中大，搵一班同學仔同佢打氣，仲有阿朗嘅女友阿Yan，同大家分享，佢哋兩顆心點樣要繼續跳。