2016年02月25日 星期四
【睇見都dry】公仔麵夾方包係咩食法？
有時諗食乜其實真係人生其中一個煩惱，公仔麵係好食，但又好似好肥咁，食方包咪夠晒健康囉，但又唔多頂飽啵……呀～如果兩樣夾埋一齊食，咪可以滿足晒兩個願望囉？
台灣有位網民就話因為好奇，所以點咗份「科學麵吐司」（科學麵即係公仔麵呀～），點知食完之後，覺得成口嘅口水都冇晒，決定唔會再畀機會佢！咁又係嘅，呢份多士咁真材實料，除咗公仔麵同方包，就一啲多餘嘅配料都冇，等你嘅味蕾可以盡情享受dry爆嘅快感！
其實公仔麵唔止可以夾麵包，仲可以炒飯㗎！呢味「王子麵炒飯」，開頭毛毛仲以為係又麵又飯炒埋一碟咁貪心，點知係撒啲煮都未煮過嘅公仔麵碎喺面囉……OK Fine，都唔可以話你呃人嘅。
封面圖片來源：●【爆料公社】●
