2017年06月03日 星期六
【世界真細小】上網買櫈 到收貨先發現個Size係咁細
作為一個精明嘅消費者，每次上網買嘢之前都睇清楚商品說明同買家評論先畀錢是常識吧！嗱，下下睇真啲，咁中伏嘅機會咪會少啲，唔會咁容易好似以下呢位來自美國嘅網民咁中伏囉⋯⋯
話說，呢位網民喺Amazon網站見到一張透明膠櫈做緊特價，由原價9蚊美金減到而家只需要4蚊美金（大約港幣33蚊）就可以帶呢張透明膠櫈返屋企～喂老老竇竇，本身張櫈個價錢已經夠平㗎啦，而家仲要做埋特價?？咁抵deal，你唔係唔deal呀嘛？於是呢位網民就即刻狗衝去畀錢嘞。
點知，到佢收貨嘅時候先發現⋯⋯點解張透明膠櫈個size細到咁都有嘅喂？明明網上張示範圖片係咁樣樣，張櫈拍埋落啲花樽同相架度都好似好大張咁㗎啵！你而家即係擺明呃9人啫！
係係係，雖然示範圖片入面張透明膠櫈睇落的確係幾大張，不過你唔畀張櫈隔籬嘅物件本身都係咁迷你㗎？其實呀，真實size咪一早寫晒喺個網度囉，你自己唔睇清楚咋嘛～再講吖，識睇就梗係睇埋comment㗎啦～
btw，其他網民又何嘗唔係咁樣樣中伏⋯⋯
「塊全身鏡係咪畀我哋用㗎？喵？」
資料來源：Amazon、B_is_4Bombshell／twitter、aliciahopfs／twitter、fandog15／twitter
延伸閱讀：
