出貓方法有好多種，貓紙捲埋放入筆芯又得，將答案當紋身咁紋喺手臂又得，得咗（好似係）！而最近，外國有位網民都諗到個前無古人嘅出貓方法啵，一齊睇下～

話說呢位外國網民嚟緊就要考物理，不過大家知啦，物理咁多Formula要背，冇溫開書嘅廢青邊度記得晒啫？於是呢位網民就決定將Formula收喺佢啲水晶甲入面！

表面上呢啲係娘到爆嘅閃令令水晶甲，但實際上，呢啲係出貓於無形嘅法寶㗎！

弱弱一問，你將自己嘅出貓方法公諸於世，怕唔怕老師知道呀？呢位網民嘅出貓方法話咁快就呃到29萬個Like同10萬個些牙。每一次通知就有一次震動，佢望住自己部震過震蛋嘅手提電話，都慢慢開始擔心起嚟⋯⋯而當網民問佢出貓有冇畀人發現嘅時候，佢又潛咗水半冇應機喎，唔通佢真係畀人斷正，見緊家長？

真相永遠只有一個！後來佢再次應機嗰陣就話，老師根本乜都冇發現，靠呢啲Formula佢一定會合格咁話喎⋯⋯嗯嗯，循例提下大家，乖學生千祈唔好做出貓呢啲咁曳嘅行為呀！

bitch im ready pic.twitter.com/U5VHu0WgKZ

— andrw (@glxzwdwyws) 2017年6月18日

資料來源：glxzwdwyws／twitter

睇埋：【長知識了】哦！原來條爛牛係用嚟出貓嘅！